Janyna kast edilip öldürlen syýasatçy Boris Nemsowyň Moskwdaky wagtlaýyn ýadygärliginiň öňünde hüjüme sezewar bolan adam hukuklaryny goraýjy orsýetli aktiwist, onuň hossarlarynyň aýtmagyna görä, keselhanada ýogalypdyr.
Iwan Skripniçenko 23-nji awgustda, ikinji gezek keselhana düşüp, ýogaldy, 15-nji awgustda hüjümçi onuň burnuny döwdi diýip, Andreý Margulew 25-nji awgustda Azat Ýewropa/Azatlyk Radiosyna aýtdy.
“Memorialdaky tragediýa” diýip Margulew Twitter ulgamynda ýazdy.
Aktiwiste garşy edilen hüjüm Orsýetiň öňki premýer-ministri we prezident Wladimir Putiniň açyk tankytçysy Boris Nemsowyň atlyp öldürilmeginden 900 gün geçende amala aşyryldy.
Nemsowyň 2015-nji ýylyň 27-nji fewralynda Kremliň golaýynda öldürlen ýerinde onuň hatyrasyna döredilen wagtlaýyn ýadygärlikde tarapdarlary nobatlaýyn gözegçilik edýärler.