Müsürde “Yslam döwleti” ekstremistik toparynyň söweşijileri bolmakda güman edilýän jeňçiler Sinaide alty barlag-gözegçilik nokadyna hüjüm etdiler. Wakada alty esger öldi, başga-da 37-si ýaralandy.
Agyr ýaraglar bilen ýaraglanan jeňçiler Şeýh Zweid şäheriniň töweregindäki barlag-gözegçilik nokatlaryna hüjüm etdiler. Resmiler hüjümi yza serpikdirmek üçin harby wertolýotyň çagyrylandygyny hem mälim etdiler.
Harbylar ok atyşyklaryň netijesinde 24 hüjümçiniň öldürilendigini habar berdiler.