ABŞ-nyň Georgia ştatynyň paýtagty Atlantanyň halkara aeroportunyň elektrik üpjünçiligi dikeldildi. Dünýä ýüzünde iň gyzgalaňly hasaplanýan bu aeroportyň elektrik üpjünçiligi kesilip, 1000 çemesi uçar ýatyrylypdy.
Atlantanyň Hartsfield-Jackson halkara aeroportundan uçar gatnawynyň 18-nji dekabrda agşam dikeldilmegine garaşylýar.
Aeroportuň resmileri elektrik üpjünçiligiň 17-nji dekabrda ýerli wagt bilen gündiz sagat birde kesilendigini we 11 çemesi sagatlap dowam edendigini, ýolagçylaryň garaňky aeroportda ýa-da uçarlaryň içinde garaşmaly bolandygyny aýtdylar.
Aeroporty üpjün edýän Georgia ştatynyň elektrik edarasy ýerasty elektrik desgalaryndaky ýangynyň bu ýagdaýa sebäp bolandygyny aýtdy.