Himiki ýaraglaryň gözegçilerine Siriýanyň Duma şäherine edilendigi güman edilýän himiki hüjümiň bolan ýerine barmaga häzirlikçe rugsat berilmedi diýip, 16-njy aprelde Himiki ýaraglary gadagan edýän guramadaky (OPCW) britan delegasiýasy aýtdy.
Bütindünýä Saglyk guramasy 7-nji aprelde Damaskyň golaýyndaky Duma şäherine edilendigi güman edilýän himiki hüjümde ölen 43 adamyň “güýçli zäherleýji himiki maddalaryň täsiri bilen bagly simptomlardan” ejir çekendigini mälim etdi.
Muňa gaýtawul edip, 14-nji aprelde Birleşen Ştatlar, Britaniýa we Fransiýa Siriýanyň hökümet desgalaryna garşy howa zarbalaryna başlady.
Himiki ýaraglary gadagan edýän guramanyň (OPCW) gözegçileri Dumada himiki ýaraglaryň ulanylandygyny ýa-da ulanylmandygyny anyklamak üçin hepdäniň ahyrynda Siriýa bardylar.
Bu aralykda, 16-njy aprelde Gaagada Himiki ýaraglary gadagan edýän gurama ýagdaýy maslahat etmek üçin ýapyk gapylaryň aňyrsynda adatdan daşary ýygnak geçirýär.