Pakistanda pedofiliýada, ýagny çagalara jynsy zorluk etmekde we sekiz çagany öldürmekde aýyplanýan jezalandyrylyp öldürildi.
Mohammad Imran Lahoredäki türmeleriň birinde dardan asyldy. Bu çärä öldürilen çagalaryň biriniň kakasy – Amin Ansari hem gatnaşdy.
Ýanwar aýynda Ansariniň ýedi ýaşly gyzy Zeýnebiň zorlanyp, soňy bilen hem öldürilmegi halkara derejesinde nägileligi döredipdi.
Imran ýanwarda Zeýnebiň jesedi Lahoredäki zir-zibil zyňylýan ýerde tapylanyndan iki hepde soň tussag edilipdi. Polisiýa Zeýnebiň ilki zorlanandygyny, soňy bilen-de bogulyp öldürilendigini aýtdy.
Soragyň dowamynda, Imran başga-da ýedi çagany zorlap öldürendigini boýun alypdyr.
Pakistanda her ýyl 3 müň 500 töweregi çaga jynsy zorluklara sezewar edilýär diýip, Sahil haýyr-sahawat topary maglumat berýär.