Eýranyň Kosmos derňew merkezinde dörän ýangynda azyndan üç alym öldi diýip, Eýranyň ýokary derejeli resmisi yglan etdi.
Telekommunikasiýa ministri Mohammad Jawad Azari Jahrominiň 3-nji fewralda beren maglumatyna görä, alymlar “Kosmos derňew merkezindäki binalaryň birinde dörän ýangynda” heläk boldular.
Ol Tähranda bolan bu waka barada goşmaça maglumat bermekden saklandy.
Şeýle-de, wakada pida bolanlaryň şahsyýetleri we eýeleýän wezipeleri hem häzirlikçe aýdyňlaşdyrylmady.
Maglumatlaryň birinde ýangyn dörän mahaly, işgärleriň derňew merkeziniň beýleki tarapynda Yslam rewolýusiýasynyň 40 ýyllygy mynasybetli geçirilen dabara gatnaşandygy aýdylýar.