Müsüriň paýtagty Kaýiriň eteginde ýüze çykan partlamada janyndan geçen hüjümçidigi öýdülýän we iki polisiýa ofiseri öldi.
Içeri işler ministrligi Al-Ažar metjidiniň golaýynda ýüze çykan wakada başga-da iki polisiýa işgäriniň ýaralanandygyny mälim etdi.
Maglumata görä, partlama howpsuzlyk güýçleriniň geçen hepde Kaýirdäki metjitleriň biriniň golaýynda partladyjyny ýerleşdirmekde güman edilýäni ele salmak üçin geçiren operasiýasynyň dowamynda döräpdir. 15-nji fewralda polisiýa şol bombany zelelsizlendirmegi başarypdy.
Ministrlik hüjümçi tussag edilmezinden öň özüni ýarandygyny aýtdy.
Müsürde 2013-nji ýylda yslamçy prezident Muhammad Morsi häkimiýetden çetleşdirilenden soň, howpsuzlyk güýçlerine we hristiýan azlyklaryna garşy hüjümler amala aşyrylyp başlandy.