Türkmenistanyň prezidenti Gurbanguly Berdimuhamedow 12-nji iýunda Ylymlar akademiýasynda geçiren maslahatynda Türkmenistanyň Telekommunikasiýalar we informatika institutyny döretmek hakynda permana gol çekdi.
TDH-nyň ýazmagyna görä, täze instituty döretmek bilen ýurtda “senagat we kommunikasiýa toplumynyň bäsleşige ukyplylygyny ýokarlandyrmak”, “maglumat-aragatnaşyk serişdelerini kämilleşdirmek” hem-de ykdysadyýetiň pudaklarynda sanly tehnologiýalary ornaşdyrmak maksat edinilýär.
Prezident täze institutyň rektory wezipesine Nurnepes Kuliýewi belledi.
Resmi maglumata görä, Türkmen döwlet ulag we aragatnaşyk institutynyň işi bes edildi hem-de täze döredilen institut onuň oruntutary hökmünde kesgitlenildi.