Onlarça owganystanly delegat, şol sanda syýasatçylar, aýallar we beýlekiler Katarda “Talybanyň” wekilleriniň hem gatnaşmagynda geçirilýän Owgan-ara Dialog Konferensiýasyna gatnaşýarlar.
“Talyban” konferensiýa özüniň 17 wekilini ýollaýandygyny mälim etdi. Şol bir wagtda, owgan hökümetiniň wekilleri çärä gatnaşdyrylmady.
7-nji iýulda duşuşygyň başlanmagyna sanlyja sagat galanda “Talyban” Owganystanyň Gazni şäherinde amala aşyrylan hüjümiň jogapkärçiligini öz üstüne aldy.
Ir bilen howpsuzlyk desgasyna edilen hüjümde 12 adam öldi, 179-sy hem ýaralandy. Resmiler hüjümde esasan golaýdaky mekdebiň okuwçylaryna şikesiň ýetendigini mälim etdiler.