Etniki dartgynlyklara meçew bermekde aýyplanan tanymal gazak aktiwisti tussaglykdan boşadyldy, Almaty sudy 16-njy awgustda oňa gazak pulunda 300 dollara golaý jerime saldy.
Hytaýdaky etniki gazaklaryň azat edilmegi üçin kampaniýa gurnan Serikžan Bilaş sud otagyndan çykandan soň goldawçylaryna özüniň azat edilmeginiň “halk üçin ýeňiş” bolandygyny aýtdy.
“Atažurt Eriktileri” (Ataýurt meýletinçileri) toparynyň lidreri Bilaş mart aýyndan bäri Nur-Soltandaky öýünde öý tussagy edilip saklanýardy. Ol Sinjiaňdan Gazagystana gelip, bu ýerde oturym alan hytaýly gazaklar bilen birnäçe ýygnanyşyk gurandan soň tussag edildi.
Ol Hytaý hökümetiniň “täzeden terbiýeleýiş” diýip atlandyrýan lagerlerindäki şertleri tankytlady. Bilaş bu lagerlerde edilýändigi aýdylýan sütemler sebäpli Hytaýyň Kommunistik partiýasyna garşy gozgalaň turuzmagy wagyz etmekde aýyplandy.
metbugat näme, hökümet näme, habar näme, gybat näme, propaganda näme, adamlar näme üçin hökümetini depesine çykarýar, nädip döwlet başyndakylar uly ogurlyk edýär, bu zatlary hiç zat okamýan, okan zadyna düşünmeýän, öz borjuny bilmeýän, dünýä özüne bergilidir öýdüp, başgalara gaharlanyp ýören adamlara näme düşündirip bolar?
Goç ýigitler her bolsa-da watana, millete şöhta getirip bilýär-ow...