Soňky 17 ýylyň dowamynda, 2001-nji ýylda Birleşen Ştatlaryň liderligindäki harbylar Owganystana girenden we “Talybany” agdarandan soňra, bu ýurtdaky täzeden gurmak we durnuklylaşdyrmak işlerinde 5 müň 135 adam öldi ýa-da ýaralandy diýip, ABŞ-nyň hökümetiniň gözegçi edarasy aýdýar.
Owganystany täzeden gurmak boýunça ABŞ-nyň Ýörite Baş Inspektorynyň, ýagny SIGAR edarasynyň 11-nji fewralda ýaýradan täze hasabatyna görä, ýurdy täzeden gurmak baradaky aglaba ABŞ-nyň liderligindäki proýektlerde 2 müň 214 adam öldi.
SIGAR edarasy olaryň 2002-2018-nji ýyllar aralygynda “Talyban” we beýleki söweşiji toparlar tarapyndan amala aşyrylan hüjümlerde heläk bolandygyny aýdýar.
Owganystanyň çäginde mekdepleri gurmakdan başlap, tä infrastruktura gurluşyklaryna çenli proýektlerde başga-da 2 müň 291 adam ýaralandy.
Edaranyň hasabatynda başga-da 1 müň 182 adamyň alnyp gaçylandygy ýa-da ýitirim bolandygy hem nygtalýar.