Çeh hökümeti koronawirusyň ýaýramagyna garşy göreşmek üçin öz raýatlarynyň hereketlerini çäklendirmek çärelerini güýçlendirdi we ýurdy wirtual taýdan gulplady.
16-njy martda güýje giren bu çärelerde adamlaryň iş, söwda ýa-da çäkli beýleki hereketler üçin köçä çykmagyna rugsat berilýär. Adamlaryň bu hereketlerden başga ýagdaýlarda, başga sebäpler üçin köçä çykmagy gadagan edilýär.
Bu gadagançylyk 24-nji marta çenli dowam eder.
Çehiýanyň gündogaryndaky birnäçe şäher möhürlendi we bu ýagdaý sebitde ýaşaýan 24000 töweregi adama täsir ýetirdi. Bu sebitde şu wagta çenli 25 adama koronawirusyň ýokuşandygy hasaba alyndy.
Çehiýada jemgyýetçilik transport serişdeleri öz işini dowam etdirýär. Ýöne resmiler adamlary mümkin boldugyndan öýde oturmaga, galmaga çagyrýar.
“Hiç kim kimdir biriniň daşarda gezelenç etmegini gadagan etmeýär... Ýöne daş-töweregiňde 20 adam bilen bilelikde piwo içmek - bu jogapkärsizlikdir we howpludyr” diýip, çeh içeri işler ministri Ýan Hamaçek (Jan Hamacek) aýtdy.