Horezm sebitindäki çagalar baglarynyň birinde bäş ýaşly çaga ýogaldy.
Sebitiň mekdebe çenli bilim bölüminiň metbugat gullugynyň maglumatyna görä, 3-nji awgustda günortan etraplaryň birinde ýerleşýän 24-nji çagalar bagyna gelen “Tiz kömek” gullugynyň lukmanlary çaganyň ölendigini aýtdylar.
Kazyýet-lukmançylyk barlagynyň netijesine, şeýle-de hukuk goraýjy edaralaryň gelen gutarnykly netijesine laýyklykda, bu iş boýunça goşmaça maglumat berler diýip, habarda aýdylýar.
Bu Özbegistanyň çagalar baglarynda bir hepdäniň içinde ýogalan üçünji çaga bolýar. “Centralasia.media” neşiriniň maglumatyna görä, birinji ölüm hadysasy 28-nji iýulda, Kaşkadarýanyň çagalar baglarynyň birinde boldy. Işigiň döwlen aýnasyndan ýaralanan gyzjagaz gan ýitirmekden jan berdi.