Kanadanyň parlamentiniň aşaky öýi üçünji gün ýurduň häkimiýetlerini Hytaýyň Sinjiaň sebitinden gaçan 10,000 uýgur bosgunyny kabul etmäge çagyrýan kararyň kabul edilmegi üçin ses berdi.
Parlament palatasynyň häkimiýetleriň öňünde hökmany güýji bolmadyk, diňe maslahat beriji häsiýeti bolan kararynyň kabul edilmegi üçin 322 kanun çykaryjy ses berdi, garşy ses beren bolmady.
Bu kararyň taslamasyny parlament palatasynyň Liberal partiýadan saýlanan agzasy Samir Zuberi taýýarlady.
Şeýle-de, kabul edilen kararda hökümetiň üçünji ýurtlara gaçyp baran sinjiaňly uýgurlaryň we beýleki türki dilli jemgyýetleriň hytaý häkimiýetleriniň yzlaryna dolanmaklary üçin edýän basyşlaryna we gorkuzmalaryna sezewar bolýandyklaryny ykrar etmegine çagyrylýar.