Türkmenistanda ýer yransa, gyş gazaply gelip, maldarlar horlansa, ýyl gurak gelse ýa derýa joşsa, ýangyn bolsa, ýol hadysasynda adam ölse, adatça, metbugatda habar berilmeýär.  Şeýle-de Türkmenistanda daşary ýurtlardaky halk gozgalaňlary, prezidentleriň işden gyrakladylmagy ýaly wakalar barada maglumat berilmeýändigi aýdylýar. Eýsem munuň sebäbi ýa-da sebäpleri näme? Bu dymyşlyk ýurda, halka, hökümete peýdalymy ýa-da onuň zyýanlary hem bolup bilermi? Azatlyk radiosy bu soraglary ýerli synçylara berdi.