ABŞ Eýranyň ballistik raketa programmasy sebäpli Tährana garşy girizmekçi bolýan sanksiýalaryny yza süýşürdi, diýip “Wall Street Journal” neşiri habar berýär.
Gadagançylyklary yza çekmek baradaky karar täze sanksiýalaryň 30-njy dekabrda yglan edilmeginden soň Eýranyň özüniň raketa programmasy ugrundaky tagallalaryny güýçlendirmegine gabat geldi.
Eýranyň prezidenti Hassan Rohani ABŞ-nyň girizmekçi bolýan täze sanksiýalaryna jogap edip, özüniň goranmak ministrine ýurduň raketa programmasyny has tizlendirmegi tabşyryk beripdi.
ABŞ-nyň prezidenti Barak Obamanyň administrasiýasy Eýranyň 10-njy oktýabrda orta aralyk üçin niýetlenen “Emad” kysymly raketlaryň synagyny geçirmegine jogap, gadagançylyklaryň täze tapgyryny taýýarlaýar.
BMG-niň sanskiýalara gözegçilik edýän edarasy ýadro ýaragyny götermäge ukyply “Emad” reketalarynyň synagynyň BMG-niň Howpsuzlyk Geňeşiniň kabul eden rezolýusiýasyna garşy gelýändigini mälim etdi.
“Wall Street Journal” neşiriniň we “Reuters” habarlar gullugynyň 30-njy dekabrda beren maglumatyna görä, täze sanksiýalar Eýrandaky, Gonk Kongdaky we Birleşen Arap Emirliklerindäki onlarça kompaniýalary we şahslary nyşana alýar.