Russiýa özüniň Siriýanyň paýtagty Damaskdaky ilçihanasyna minomýot hüjüminiň edilendigini aýdýar. Bu, şu aý rus ilçihanasyna edilen şuňa meňzeş ikinji hüjümdir.
Russiýanyň Daşary işler ministrliginiň 13-nji oktýabrda beren maglumatyna görä, minomýot hüjümleriniň biri ilçihananyň öňündäki gözegçilik postunyň golaýynda, beýlekisi konsulhana edarasynyň girelgesiniň golaýynda partlapdyr.
Bu minomýot hüjümi Siriýanyň prezidenti Başar al-Assadyň güýçlerine garşy göreşýän pitneçileriň kontrollyk edýän etrabyndan atyldy diýlip, beýanatda aýdylýar.
Şeýle-de, onda ilçihananyň işgärlerine hiç bir zeperiň ýetmändigi nygtalýar.