Birleşen Ştatlaryň baş prokurory Erik Holderiň aýtmagyna görä, tussag edileniň ady Faýsal Şahzad, ol asly Pakistandan bolan ABŞ-nyň raýaty.
Maglumata görä, ol şu gün Nýu-Ýorkyň aeroportynda Dubaýa uçmaga synanyşan wagty saklanypdyr.
Geçen şenbe güni Taýms-skwerde maşyna ýerleşdirilen partlaýyjy madda bir hepde mundan öň Faýsal Şahzada başga bir adam tarapyndan satylypdyr diýip, ABŞ-nyň kanun goraýjy guramalary çaklaýarlar.
Derňewler baradaky Federal býuronyň wekili Kimberli Mertz žurnalistler bilen duşuşykda Faýsal Şahzadyň öýüniň barlag edilendigini aýtdy.