GDA liderleriniň maslahatyna türkmen prezidenti gatnaşmaz

Şu gün Moskwada GDA agza ýurtlaryň döwlet baştutanlarynyň nobatdaky maslahaty bolar.

Bu maslahata ilkinji gezek Türkmenistanyň prezidenti G.Berdimuhamedow gatnaşmaz.

Türkmen Döwlet habarlar gullugynyň maglumatyna görä, maslahata Türkmenistanyň Ministrler Kabinetiniň başlygynyň orunbasary N.Şagulyýew gatnaşar. Prezident Berdimuhamedow bu barada degişli görkezmä gol çekipdir.