Sepleriň elýeterliligi

Soňky habar
Göni efirde

Gyrgyzystanyň parlamentiniň başlygynyň orunbasarlary saýlandy


Şu gün Gyrgyzystanyň parlamentiniň başlygynyň bäş sany orunbasary saýlandy.

Habar agentlikleriniň maglumatyna görä, şol saýlananlaryň üçüsi koalisiýa hökümetiniň wekilleri. Olar, hususan-da, “Ata-Žurt” partiýasynyň wekili Myktybek Abdyldaeýew, “Respublika” partiýasynyň wekili Bakyt Torobaýew we “Sosial Demokratik” partiýasynyň wekili Asylbek Jeýenbekow.

Parlamentiň başlygynyň beýleki iki orunbasarlygyna oppozision partiýalar bolan “Ata-Meken” partiýasynyň wekili Asiýa Sasykbaýewa we “Ar-Namys” partiýasynyň wekili Bodoş Mamyrowa.

Gyrgyzystanda oktýabr aýynda geçirilen parlament saýlawlarynda parlamente girmegi başaran bäş partiýanyň üçüsi: “Sosial Demokratik”, “Ata-Žurt” we “Respublika” partiýalary 16-njy dekabrda hökümet koalisiýasyny düzdüler.

“Ata-Žurt” partiýasynyň başlygy, 44 ýaşyndaky Akmatbek Keldibekow parlamentiň başlygy wezipesine saýlandy. “Sosial Demokratik” partiýanyň ýolbaşçysy Almazbek Atambaew bolsa ýurduň premýer-ministri boldy.

Iň soňky teswirler

Iň soňky teswirler
XS
SM
MD
LG