Türkiýe Siriýada graždanlyk urşunyň tutaşmak ähtimallygyny duýdurýar

Türkiýäniň premýer-ministri Rejep Taýýip Erdogan goňşy Siriýada “dini, mezhep we jynsparazlyk häsiýetindäki graždan urşunyň tutaşyp gelýändigini” duýdurdy.

Türkiýe al-Assadyň režiminiň oppozisiýadaky protestçileri güýç bilen basyp ýatyrmagyny tankytlap çykyş etdi, BMG Damask režiminiň zorlukly çäreleri netijesinde mart aýyndan bäri 5 müňden gowrak adamyň öldürilendigini aýdýar.

Erdogan metbugat ýygnagynda eden çykyşynda “prezident Başar al-Assadyň režimi öz halkyny rehimsiz gyrmagyny dowam etdirýär” diýdi. Ol “Türkiýe bu ýerde öňbaşçy rol oýnamalydyr” diýip, sözüniň üstüne goşdy we “Siriýadaky graždan urşy bize howp salýar” diýdi.