Moskwada gyrgyz we rus prezidentleri gepleşik geçirýär

Gyrgyzystanyň prezidenti Almazbek Atambaýew özüniň rus kärdeşi Dmitriý Medwedew bilen Moskwada gepleşik geçirýär.

Penşenbe güni Atambaýew üç günlük sapar bilen Orsýete barypdy.

Maglumata görä, Atambaýew ýurduň magdan çykaryş we energetika pudaklaryna has köp ors biznesini çekmek isleýär.

Gyrgyz resmileriniň maglumatyna görä, geçen ýyl iki ýurduň arasyndaky söwda gatnaşygy 1,7 milliard dollara deň bolupdyr.