Marynyň Tagtabazar we Serhetabat etraplary Owganystan bilen serhetýaka bolanlygy sebapli, ol yere gelýän rayatlar aýratyn pasport kontrolyndan geçirilýär. Bu kontrol netijesinde agzalýan etraplarda ýazga durmadyk raýatlar bellige alnyp geçirilýär, pasporty bolmadyk yzyna gaýtarylýar. Sowet döwründen galan bu çäräni amala aşyrmak üçin tertip-düzgün bolmansoň, ýazgydaky başa-başlyk ýylyň-ýylyna her gün gaýtalanýar. Şu ýagdaý sebäpli gije galyp, wokzalda taksi tapyp bilmän ýören adamlara köp duş gelinýär. Wokzal bolsa Tagtabazaryň etrap merkezinden 40 km uzakda ýerleşýär.