Ýewropa Bileleşiginiň liderleri gündogar Ukraina boýunça gelnen parahatçylyk ylalaşygy barada seresaplylyk bildirdiler.
12-nji fewralda Brýusselde geçirilen ýygnakda ÝB-niň liderleri Moskwa garşy girizilen sanksiýalar ýatyrylmazdan öň, ok atyşygy bes etmek baradaky ylalaşygyň ýerine ýetirilmelidigi barada duýduryş berdiler.
Ýewropa Bileleşiginiň prezidenti Donald Tusk: “Biziň prezident [Wladimir] Putiniň gowy niýetine ynanjymyz çäkli. Şol sebäpden hem biz sanksiýalary güýçde saklamalydyrys” diýdi.