Orsýetiň Goranmak ministrligi Siriýada söweşleriň alnyp barylýan pozisiýalaryna syýahat eden üç orsýetli žurnalistiň ýaralanandygyny aýtdy.
Ministrligiň maglumatyna görä, žurnalistler hökümetiň gözegçiligindäki Latakia regionynyň Al-Dagmaşliýa obasyna ulagly barýarka olaryň golaýyna raketa gaçypdyr.
Ministrlik žurnalistleriň ýeňil ýaralanyp, Orsýetiň harby bazasynyň keselhanasyna eltilendiklerini habar berdi.
Orsýet prezident Başar al-Assady goldap, Siriýada howa hüjümlerini amala aşyrýar.
Orsýetiň döwlet eýeçiligindäki media serişdeleriniň žurnalistleri Siriýada 2011-nji ýylda başlanan konfliktiň dowamynda hökümet güýçleriniň ýanynda işleýärler. Siriýadaky konfliktde 250 müňden gowrak adamyň wepat bolandygy aýdylýar.