Owganystanyň Milli radio-telekanalynda ýurtdaky etniki azlyklaryň dilinde, şol sanda türkmen dilinde gepleşikleri taýýarlaýan işçiler protest geçirip, iş taşlaýyş yglan etdiler. Bu protest çäresiniň netijesinde etniki dillerde gepleşik berýän işgärler Owganystanyň prezidentlik edarasyna çagyryldy.
Azatlyk Radiosynyň Owganystandaky habarçysy Şaýymerdanguly Myrady gürrüňi edilýän proteste gatnaşan we owgan milli telewideniýesinde türkmen dilinde gepleşikleri taýýarlaýan bölümiň jogapkär işgäri Faizylla Nury bilen söhbetdeş boldy.