Täjigistanda ýüzlerçe adama, bikanun ýagdaýda walýuta söwdasyny edendigi üçin, türme möhletlerini almak howpy garaşýar.
Ýurduň demirgazygyndaky Sughd welaýatynyň regional prokurory 37 ýaşaýjynyň çynlakaý jenaýat aýyplamasy bilen ýüzbe-ýüz bolandygyny we olara gysga wagtlyk türme tussaglygynyň berilmeginiň mümkindigini aýtdy.
Prokuror Habibulla Wahidow ýene 253 adama ýeňilräk aýyp bildirilendigini we olaryň jerime ýa-da 15 günlük tussaglyk möhletleri bilen jezalandyrylmagynyň ahmaldygyny sözüne goşdy.
Wahidow bu adamlaryň ählisiniň ýurduň pul çalyşmak baradaky kanunyny bozandygyny aýtdy, ýöne goşmaça maglumat bermedi.