Yragyň güýçleri Mosulyň aeroportyna golaýladylar

Yrakda Mosuly “Yslam döwleti” ekstremistik toparyndan azat etmek boýunça geçirilýän harby operasiýanyň çäginde, hökümet güýçleri şäheriň aeoroportuna ýakynladylar.

General-leýtenant Raid Şakir Jawdatyň beren maglumatyna görä, hökümet güýçleri Mosulyň 15 kilometr günortasyndaky Hammam al-Aliliň merkezini ele geçiripdirler.

Ol beýleki harby birikmeleriň Tigris derýasynyň günbatar akymy boýunça ilerländiklerini we häzir olaryň aeroportdan 4 km uzaklykda ýerleşýändiklerini hem sözüne goşdy.

Mosul “Yslam döwleti” ekstremistik toparynyň iň soňky berkitmesidir. Ony azat etmek boýunça Yragyň hökümet we kürtleriň Peşmerga güýçleri söweşýärler.