Hytaýyň döwlet telewideniýesi ýurduň gündogarynda gurluşyk sekiniň ýumrulmagy netijesinde azyndan 40 adamyň ölendigini aýdýar.
Fengçeng şäherinde gurulýan elektrostansiýadaky gurluşyk seki 24-nji noýabrda ýumruldy.
Hytaýyň resmi “Xinhua” habar agentligi gurluşygyň aşagynda başga-da adamlaryň ençemesiniň gysylyp galandygyny aýdyp, ölenleriň sanynyň artmagyna garaşylýar diýdi.
Soňky aýlarda Hytaýda senagat heläkçilikleriniň ençemesi hasaba alyndy. Bu wakalara korrupsiýanyň we howpsuzlyk çärelerine üns berilmezligiň sebäp bolýandygyna üns çekildi.