«Amnesty International» Eýrany 2-nji dekabrda, 18 ýyl mundan ozal öldürilen iki intellektualyň hatyrasyny tutmaga toplanan dört adamy «derhal, hiç bir gep-gürrüňsiz» boşatmaga çagyrdy.
Londonda ýerleşýän gurama bu dört adamyň Tähranyň golaýyndaky Karaj gonamçylygyna toplanan 100 çemesi adamyň arasynda bolandygyny, olaryň 1998-nji ýylda öldürilen tanymal ýazyjylarwe intellektuallar Mohammad Mokhtari bilen Mohammad Ja’far Pouyandehi hatyralandyklaryny aýdýar.
Ýatlanýan ýazyjylar Eýranyň Aňtaw ministrliginiňagentleri tarapyndan sud-soragsyz öldürilen onlarça pidanyň diňe ikisidi.
Halkara günä geçiş guramasy şaýatlara salgylanyp, hatyra agşamynda tutulanlaryň polisiýa tarapyndan gazaply urlup-enjilendigini aýdýar.