Aşgabadyň Parahat 2/1 etrapçasynyň 21-nji jaýynyň ýaşaýjylary soňky günlerde elektrik togunyň kesilmegi, öý telefonlarynyň işlemezligi ýaly problemalar bilen ýüzbe-ýüz boldular. Ýerli ýaşaýjylar bu meselelere gözegçilik etmäge borçly edaralaryň öz şikaýaty boýunça çäre görmeýändigini habar berdiler.
Azatlyk Radiosy agzalan jaýa gözegçilik edýän 14-nji öý hojalyk edarasy bilen telefon arkaly habarlaşanda, edaranyň işläri ýaşaýjylaryň arzasynyň 2-nji fewralda hasaba alnandygyny we çäre görüljegini aýtdy. Şeýle-de edaranyň işgäri, jaýlaryň girelgeleriniň içindäki we daşyndaky näsazlyklaryň öý hojalyk uprawleniýesiniň hasabyna amala aşyrylmalydygyny tassyklady.
Azatlyk Radiosy Parahat 2/1 etrapçasynyň 21-nji jaýyna degişli problemalaryň jikme-jikleri barada gürrüň bermegi sorap, bu jaýyň ýaşaýjysy ýazyjy Amanmyrat Bugaýew bilen söhbetdeş boldy.
