Turuş Merkezi Aziýa regionynda emele gelen gar silleri zerarly soňky günlerde ençeme adamyň heläk bolandygy habar berilýär.
Täjigistanda ýol gurluşyk işlerini alyp barýan innowasion ýol gurluşyklar boýunça kompaniýasynyň metbugat-wekili Daler Abdulloew öz işçileriniň üçüsiniň 19-njy fewralda gar sili zerarly heläk bolandygyny Azat Ýewropa/ Azatlyk Radiosyna aýtdy.
Iki adam ýitirim bolupdyr we ýurduň ençeme ýoly gar silleri sebäpli ýapylypdyr.
Goňşy Gyrgyzystanda Adatdan daşary ýagdaýlar boýunça ministrligiň metbugat gullugy 19-njy fewralda bolan aýra-başga hadysalarda iki çaganyň we bir aýal maşgalanyň gar silinde wepat bolandygyny Azat Ýewropa/ Azatlyk Radiosyna habar berdi.
Azyndan 10 adam keselhana düşüpdir, käbirleri agyr ýagdaýda.
17-nji fewralda Gazagystanyň günorta Žambyl regionynda gar sili ýedi harby gullukçynyň ölümine sebäp boldy.