Ysraýylyň Siriýada “harby pozisiýa” raketaly zarba urandygy aýdylýar

Ysraýylyň Damaskyň halkara aeroportunyň golaýynda “harby pozisiýa” diýlen nyşana uran raketa zarbasy uly partlama sebäp boldy, diýip Siriýanyň döwlet mediasy habar berdi.

"Damaskyň Halkara aeroportunyň günorta-günbataryndaky harby pozisiýa şu gün daňdan Ysraýylyň okkupirlenen territoriýadan atan birnäçe raketasynyň ulanylmagyndaky agressiýasynyň nyşanyna düşdi we giňişlikde partlamalary döretdi” diýip, Siriýanyň SANA döwlet agentligi harby çeşmesini sitirledi.

Hökümete tarapdar “Al-Maýadeen” telewideniýesi çeşmelerine salgylanyp, Ysraýylyň okkupirlän Golan depeleriniň üstünde uçýan uçarlary tarapyndan raketa atylandygyny habar berdi.

Siriýaly gozgalaňçylaryň çeşmeleri zarbalaryň Liwanyň “Hizballah” hereketi tarapyndan ulanylýan ýarag ambarlaryna degendigini aýdýarlar.

Siriýada prezident Başar al-Assadyň hökümetiniň we oppozision güýçleriniň arasynda alty ýyl bäri dowam edýän graždan urşy zerarly 400 müň çemesi adam wepat boldy.

Assad Orsýetiň, Eýranyň we Tähranyň ýakyn ýarany hem Ysraýylyň duşmany “Hizballah” toparyna daýanýar.