Eýran öz garşydaşy Saud Arabystanynyň “äsgermezçilikli” hereket eden ýagdaýynda bu ýurduň yslamyň mukaddes gymmatlyklaryndan başga ähli ýerlerine zarba urup biljekdigini aýtdy.
Eýranyň goranmak ministri Hossein Deghanyň 7-nji maýda eden bu çykyşy Saud Arabystanynyň mirasdüşer şazadasynyň orunbasarynyň Tährany musulman dünýäsinde höküm sürmäge synanyşyk etmekde aýyplamagynyň we söweş meýdanynyň Saud Arabystanynyň däl-de Eýranyň içinde bolup biljegi barada aýdanlarynyň yzýanyna gabat geldi.
Tähran bu çykyşy “bikanun we öjükdiriji” diýip atlandyrdy.
Ýarym resmi Tasnim täzelikler agentliginiň Deghanyň arap dilindäki Al-Manar telewideniýesine “eger saudiler äsgermezçilikli haýsy-da bolsa bir zat etseler biz Mekkadan we Medinadan başga hiç ýeri degmän geçmeris” diýip, aýdandygyny habar berdi.