Aşgabatda Täjigistanyň medeniýet günleri açyldy

Aşgabatda Täjigistanyň medeniýet günleri açyldy.

Türkmenistanyň we Täjigistanyň Medeniýet ministrlikleriniň bilelikde gurnan we Mukamlar öýünde geçirilen açylyş dabarasyna ýurt resmileriniň, Türkmenistandaky diplomatik missiýalarynyň wekilleriniň, döredijilik işgärleriniň gatnaşandygy habar berildi.

Täjigistanyň Türkmenistandaky medeniýet günlerine gatnamak üçin Aşgabada Täjigistandan şahyrlar, ýazyjylar, režissýorlar, hudožnikler we beýleki döredijilik wekilleri bardy.

Açylyş dabarasynda Täjigistanyň döwlet filarmoniýasynyň Akaşarif Juraýew adyndaky topary, Opera we balet döwlet akademiki teatryndan Şarofat Usmonowa, Täjigistanyň at gazanan artistkasy Parwin Ýusufi çykyş etdiler.

Täjigistanyň Türkmenistandaky medeniýet günleriniň çäginde “Aşgabat” kinoteatrynda çeperçilik we dokumental filmleri görkeziler.