Kabuldan gowuşýan maglumatlara görä, Owganystanyň howpsuzlyk güýçleri janyndan geçen hüjümçiniň amala aşyran hüjüminden soň Yragyň ilçihanasynyň jaýynyň golaýynda ýaragly adamlar bilen söweşýärler.
Ady agzalmadyk polisiýa resmileriniň AP agentligine aýtmagyna görä, partlama ilçihananyň daşynda 31-nji iýulda bolupdyr, onuň yzýany ýaraglylar ilçihana girmäge synanyşypdyr.
Içeri işler ministrliginiň metbugat-wekili Najib Daniş yrakly diplomatlaryna howp abanmaýandygyny we hüjüme üç ýaraglynyň gatnaşýan bolmagynyň hasap edilýändigini aýtdy.
“Ysam döwleti” (YD) topary hüjümiň jogapkärçiligini öz üstüne aldy, diýip toparyň propagandaçy agentligi Amak habar berdi.
Hüjümiň netijesine adam pidasynyň bolup-bolmandygy dessine habar berilmedi.
Şu ýyl Kabul heläkçilikli hüjümleriň ençemesine sezewar boldy, olaryň jogapkärçiligini “Talyban” we YD toparlary öz üstüne aldy.