Orsýetiň Çeçenistan regionynyň häkimiýetleri 10 gün bäri garyndaşlary bilen habarlaşmadyk meşhur aýdymçynyň gurgun we “tiz wagtda tapyljagyny" aýtdylar.
Emma Çeçenistanyň Metbugat we informasiýa boýunça ministri Džambulat Umarow 18-nji awgustda eden bu beýanatynda aýdymçynyň ykbaly barada maglumatyň çeşmesini we onuň nirededigini mälim etmedi.
Zelimhan Bakaýewiň garyndaşlarynyň 16-njy awgustda AÝ/AR-na aýtmagyna görä, Moskwada ýaşaýan aýdymçy öz garyndaşynyň toýuna gatnaşmak üçin Çeçenistanyň paýtagty Grozna barypdyr we 8-nji awgustda ýitirim bolupdyr.
Adam hukuklaryny goraýjy aktiwistler we Çeçenistanyň lideri Ramzan Kadyrowyň tankytçylary howpsuzlyk güýçleriniň adam ogurlygyny dissidenlere, syýasy garşydaşlara we yslamçy söweşijilere gözegçilik etmek üçin amala aşyrýandygyny aýdýarlar.