Pakistan polisiýasy ýurduň günorta-günbatarynda sufi mawzoleýinde janyndan geçen bombaçynyň hüjümnden wepat bolanlaryň sanynyň, öten agşam ýene dört ejir çeken hassahanada ölenden soň, 24-e ýetendigini aýtdy.
Bu hüjüm 5-nji oktýabrda, Bulujystan welaýatnyň paýtagty Kwettanyň 300 km gündogarynda ýerleşýän Jhal Magsi etrabynda boldy.
Ýokary derejeli polisiýa ofiseri Mohammad Ykbal 7-nji oktýabrda 20-den gowrak adamyň heniz hem bejergi alýandygyny, olaryň käbiriniň ýagdaýynyň agyrdygyny aýtdy.
Hüjümiň jogapkärçiligini “Yslan döwleti” terror topary öz üstüne aldy.
Bu mawzoleýe 2005-nji ýylda edilen hüjümde 35 adam öldi. YD fewral aýynda Sindh welaýatyndaky sufi mawzoleýine edilen hüjümiň jogapkärçiligini hem öz üstüne aldy. Ol hüjümde 88 adam öldürildi.