Sepleriň elýeterliligi

Soňky habar
Göni efirde

Daşary ýurtly inwestorlaryň Orsýetden maýa goýumlaryny çykarmaga çalyşýandygy aýdylýar


Orsýetiň Merkezi bankynyň ýolbaşçysy German Gref

Daşary ýurtly inwestorlaryň ençemesi 2017-nji ýylyň soňky günlerinde Orsýetden öz maýa goýumlaryny çykarmaga çalyşýarlar, muňa ABŞ-nyň täze sanksiýalarynyň indiki ýylda Orsýetiň oligarhlaryna we Kremle ýakyn döwlet korporasiýalaryna zarba urmagy bilen bagly aladalanmalar sebäp bolýar diýlip, 26-njy dekabrda media maglumatlarynda habar berildi.

Kommersant gazetiniň maglumatynda bellenişine görä, 2017-nji ýylyň başynda ABŞ-nyň prezidenti Donald Trampyň goly astynda amerikan-orsýet gatnaşyklarynyň maýlamagyna garaşyp, Orsýetiň ykdysadyýetine maýa goýumlaryny ýatyryp başlan inwestorlaryň umydynyň başa barmandygyna meňzeýär.

Abraýly Wall Street kompaniýasy “Bank of America Merrill Lynch” bankynyň Orsýetden 2017-nji ýylda çykaryljak maýa goýumlaryň 1 milliard dollara ýetjegini çak edýär.

“Financial Times neşrine görä, iň agyr täze sanksiýasy Orsýetiň banklaryny Swift halkara elektronik sistemasyndan çetleşdirilmegine degişli bolup biler.

Iň soňky teswirler

Iň soňky teswirler
XS
SM
MD
LG