Sepleriň elýeterliligi

Täjigistanyň ilkinji saýlanan prezidenti Rahmon Nabiýewiň aýaly ýangynda wepat boldy


Täjigistanyň ilkinji saýlanan prezidenti Rahmon Nabiýewiň aýalynyň öýi, Hujand, 29-njy dekabr, 2017.

Täjigistanyň ilkinji saýlanan prezidenti Rahmon Nabiýewiň aýaly ýurduň demirgazygyndaky öýünde ýangynda heläk boldy.

80 ýaşly Mariam Nabiýewanyň garyndaşlarynyň AÝ/AR-na aýtmagyna görä, ol 28-nji dekabrda Hujand şäherindäki öýünde bolan ýangynyň tüssesinden wepat bolupdyr.

AÝ/AR-nyň Hujand şäherindäki habarçylary 29-njy dekabrda Nabiýewanyň jaýynyň içinde adam öldürmek we bilkastlaýyn otlamak boýunça iş alyp barýan derňewçileriň işländigini habar berdiler.

Emma häkimiýetler ýangynyň sebäpleri barada resmi kommentariý bermediler.

Rahmon Nabiýew 1991-nji ýylyň noýabr aýynda Täjigistanyň Sowet Soýuzyndan garaşsyzlygyny yglan edenden soň ýurduň prezidenti wezipesine saýlanypdy.

1992-nji ýylyň sentýabr aýynda Nabiýew syýasy garşydaşlarynyň basyşy astynda wezipesinden çekilipdi. Onuň wezipeden çekilmegi 1992-nji ýylyň mart aýynda başlanan graždan uruşynyň dowamyna gabat geldi. 100 müň adamyň ölümine getiren graždan urşy 1997-nji ýylyň iýun aýyna çenli dowam edipdi.

Rahmon Nabiýew 1993-nji ýylyň 11-nji aprelinde ýüreginden tutup ýogaldy.

XS
SM
MD
LG