Russiýanyň prawoslaw ruhanysy çaga zorlamak aýyplamalarynda günäli tapylyp, 14 ýyl türme tussaglygyna höküm edildi.
17-nji ýanwarda Leningrad regionyndaky Priozersk şäheriniň sudy Gleb Grozowskiýe garşy karar çykardy.
Sud Grozowskiýni 2011-nji ýylda Priozerskiň golaýynda ýerleşýän Konewets adasyndaky Rus prawoslaw tomus lagerinde ýetginjek ýaşyna ýetmedik gyzlar bilen jynsy gatnaşyga girmekde günäli tapdy. Şol döwür Grozowskiý Sankt-Peterburgdaky ybadathanada ruhany bolup işleýärdi.
Şeýle-de, sud Grozowskiýni Gresiýada ybadathananyň rektory bolup işleýän döwri, ýagny 2013-nji ýylyň iýun aýynda ýetginjek ýaşyna ýetmedik gyzlar bilen jynsy gatnaşyga girmekde günäli tapdy.
2013-nji ýylyň oktýabr aýynda Russiýa Grozowskiýniň gözlenýändigi barada karar çykardy. Ol 2016-njy ýylyň sentýabr aýynda Ysraýyldan Russiýa ekstradisiýa edilipdi.