Russiýanyň häkimiýetleri şu hepdäniň başynda Perm şäherindäki mekdebe amala aşyrylan hüjümde azyndan 12 okuwçy ýaralanandan soň, kämillik ýaşyna ýetmedik iki oglany adamlary öldürmäge synanyşmakda aýyplaýarlar. Rus häkimiýetleri bu wakanyň öňünden planlaşdyrylandygyny aýdýarlar.
Russiýanyň Derňew Komitetiniň ýaýradan beýanatyna görä, gürrüňi edilýän oglanlaryň biri şäheriň 127-nji mekdebinde 10-njy klasda okaýar we beýlekisi bu mekdebiň öňki okuwçysy bolup, olar keselhanadan çykarylandan soň tussag ediler.
Kämillik ýaşyna ýetmedik oglanlar adamlaryň janyna kast etmekde we hüjümi öňünden planlaşdyrmakda aýyplanýarlar.
Başlangyç maglumatlarda 15-nji ýanwardaky hüjümiň päliýamanlar tarapyndan amala aşyrylandygy öňe sürüldi. Ýöne Russiýanyň häkimiýetleri bu wakany iki oglanyň arasynda bolan pyçak urşy diýip häsiýetlendirip, olary aralajak bolan mugallymlaryň we okuwçylaryň ýaralanandygyny aýdypdylar.