Sepleriň elýeterliligi

Soňky habar
Göni efirde

ABŞ Howpsuzlyk Geňeşiniň Eýran babatynda hereketi üçin 'wagt geldi' diýdi


ABŞ-nyň BMG-däki wekili Nikki Haleý

ABŞ-nyň BMG-däki wekili Nikki Haleý “Howpsuzlyk Geňeşiniň hereket etmegi üçin wagtyň gelendigini” aýtdy. Munuň bu çykyşynyň öňüsyrasynda BMG-niň çap eden hasabatynda Eýranyň Ýemeniň Huthi gozgalaňçylaryna ýarag satyp, guramanyň gadagançylygyny bozandygy aýdyldy.

BMG-niň bilermenler toparynyň geçen aýda taýýarlan hasabatynda guramanyň Ýemeniň Huthi gozgalaňçylaryna ýarag satmagy 2015-nji ýylda gadagan edenden soňra Eýranyň ballistik raketalarynyň we beýleki ýaraglarynyň Ýemene teklip edilendigi, şeýle-de Eýranyň şol ýaraglaryň gozgalaňçylara ýetmezliginiň öňüni almandygy anyklandy.

BMG-niň bilermenleri bu ýagdaýda Eýranyň ýarag gadagançylygyny bozandygy barada netije çykardy.

Şeýle-de, BMG-niň ýene bir rezolýusiýasy Eýranyň Howpsuzlyk Geňeşi tarapyndan makullanmasa ýarag bermegini gadagan edýär.

“Dünýä bu gödek düzgün bozmalary jogapsyz galdyrmagyny dowam etdirip bilmez” diýip Haleý aýtdy.

BMG-niň diplomatlary Eýranyň ýarag söwdasynda baş goşan bidüzgünçiliklerine jogap hökmünde Ýemene ýarag satmak boýunça rezolýusiýa gaýtadan garalmagynyň ähtimaldygyny aýdýarlar. Eýran Huthi toparyna ýarag satýandygyny ret edýär.

Iň soňky teswirler

Iň soňky teswirler
XS
SM
MD
LG