Sport boýunça Halkara arbitraž sudy orsýetli kerling medalisti Aleksandr Kruşelnitskiýniň Pýongçangda geçýän oýunlarda dopingde aýyplanýandygyny tassyklady.
Sud özüniň 19-njy fewralda beren maglumatynda “Halkara Olimpiýa komitetinden gelen talapdan başga-da”, Kruşelnitskiýni öz içine alýan “prosedurany başladandygyny” aýtdy.
Kruşelnitskiý garyşyk jübütleriň bäsleşiginde öz aýaly Anastasia Bryzgalowa bilen bürünç medala eýe boldy.
Sport boýunça Halkara arbitraž sudy bu iş baradaky diňlenişigiň geçiriljek senesiniň heniz kesgitlenmändigini hem mälim etdi.
Kruşelnitskiý Pýongçangda geçýän Gyşky olimpiýa oýunlarynda doping aýyplamalary bilen agzalýan ikinji türgendir. Eger onuň doping aýyplamalary tassyklansa, onda bu orsýetli türgenleriň Pýongçangda geçýän oýunlaryň ýapylyş dabarasynda öz baýdaklaryny göterip ýöräp geçmeginden mahrum edilmegine getirip biler.