Gazagystanyň günbataryndaky Maňgystau sebitinde bolan ýol hadysasynda ýedi adam, şol sanda alty özbegistanly heläk boldy.
Özbegistanyň Adatdan daşary ýagdaýlar ministrligi Telegramda 1-nji martda Aktau-Beýneu ýolunda “Lada Largus” awtomobiliniň ýük maşyny bilen çakyşandygyny we ot alandygyny, netijede 7 adamyň wepat bolandygyny aýtdy.
Bu betbagtçylyk Gazagystanyň demirgazyk-günbataryndaky Aktobe sebitinde ot alan awtobusda 52 özbegistanlynyň heläk bolanyndan iki aýa golaý soň boldy.
Günorta Gazagystan sebitinde hasaba alnan awtobus 18-nji ýanwarda özbek migrant işçilerini Orsýete alyp barýan wagtynda ot aldy.