14-nji aprelde Owganystanda oktýabr aýyna bellenilen parlament we welaýat geňeşleri saýlawlary üçin hasaba alyş işleri başlandy.
Häkimiýetler gelýän iki aýyň dowamynda ýurduň çar künjeginde açylan 7300 saýlaw uçastogynda 14 milliona çenli saýlawçyny hasaba almakçy bolýarlar.
Garaşsyz saýlaw komissiýasynyň başlygy Gulajan Abdul Badi Saýýad 13-nji aprelde hasaba alyşlygyň ilkinji tapgrynyň welaýat merkezlerinde geçiriljekdigini, soňra bu işiň etrap merkezlerinde we şäherçelerinde dowam etdiriljekdigini aýtdy.
2014-nji ýyldaky galplaşdyrylan prezident saýlawlaryndan soň geçirilýän saýlaw reformalary netijesinde, ses berijiler täzeden hasaba alynmaly we täze ses beriş kartlaryny almaly.
Merkezi saýlaw komissiýasy apreliň başynda ozal iýul aýyna bellenilen parlament we welaýat geňeşleri saýlawlarynyň yza, 20-nji oktýabra süýşürilýändigini yglan etdi.
Parlament saýlawlary 2015-nji ýylda geçirilmelidi, emma olar howpsuzlyk ýagdaýlary we saýlaw reformalary bilen bagly çözülmedik meseleler sebäpli gaýta-gaýta yza süýşürildi.
3-4 million ilaty baý-garyba, türmä basylana we türmä basýanalara böldüň, dul hatyn, ýetim çaga - sanyny bilýän ýok, milletiň ýarysy daşary ýurtlarda ekmek parasy üçin 14 sagat işleýär, sen dünýäni birleşdirjekmi indi? Öňem bir baý ogluna sen baý oglusyň, märäkä baraňda, uly gürlegin diýse, ogly üýşüo oturan adamlaryň ýanyna baryp, 'düýe' diýipdir, seniňki hem şol boldy. Ýeri, bolýar, özüňi masgara etmäge dowam!