Sepleriň elýeterliligi

Soňky habar
Göni efirde

ABŞ: Demokratik partiýa Orsýetiň, Trampyň saýlaw kampaniýasynyň we WikiLeaksiň üstünden şikaýat etdi


Donald Tramp kiçi (Ç) bilen WikiLeaksi esaslandyryjy Julian Assanjyň ýanaşyk suraty.

ABŞ-nyň Demokratik partiýasy Orsýetiň hökümetine, prezident Donald Trampyň saýlaw kampaniýasyna we “WikiLeaks” guramasyna garşy, olary 2016-njy ýyldaky ABŞ prezident saýlawlary kampaniýasyny bozmak we saýlawy Trampa ugrukdyrmak üçin dil düwüşmekde aýyplap, suda şikaýat arzasyny berdi.

20-nji aprelde Manhattandaky etrap suduna berlen sud şikaýatynda Trampyň saýlaw kampaniýasynyň ýokary derejeli resmileriniň Orsýetiň hökümeti we olaryň harby aňtaw gullugy bilen demokratlaryň prezidentlige kandidaty Hillari Klintona zyýan ýetirmek hem-de Trampa kömek etmek üçin Demokratik partiýanyň kompýuterlerine hakerlik etmekde dil düwüşendikleri öňe sürülýär.

Trampyň 2020-nji ýylda gaýtadan saýlanmagy baradaky kampaniýa bu sud şikaýatyny boş diýip atlandyrdy we onuň demokratlar üçin pul ýygnamak tagallasynyň bir bölegidigini öňe sürdi.

Ak tam bu sud şikaýaty barada bada-bat hiç bir zat aýtmady.

Iň soňky teswirler

Iň soňky teswirler
XS
SM
MD
LG