Sepleriň elýeterliligi

Soňky habar

Eýran Ysraýylyň premýer-ministri Netanýahuny 'ýalançylykda' aýyplady


Ysraýylyň premýer-ministri Benjamin Netanýahu we ABŞ-nyň döwlet sekretary Mike Pompeo, Tel Awiw, 29-njy aprel, 2018.

Eýran Ysraýylyň premýer-ministri Benjamin Netanýahuny Tähranyň gizlin ýadro ýaragy programmasy babatynda “meşhur bolmadyk ýalançy” bolmakda aýyplady.

Eýranyň Daşaşy işler ministrliginiň metbugat-wekili Bahram Ghasemi Tähranyň ýadro ambisiýalary barada edilen beýanatyň “oýlanyp tapylan, peýdasyz we utançly” bolandygyny we onuň “dargan hem meşhur bolmadyk ýalançydan” gelip çykandygyny, 1-nji maýda eden çykyşynda aýtdy.

Benjamin Netanýahu 30-nji aprelde eden çykyşynda Eýranyň islendik wagty aktiwleşdirmäge ukyply ýadro ýaragy planynyň bardygyny “subut” ediji dokumentleriň Ysraýylda bardygyny aýtdy.

Ýewropa ýurtlary dokumentleriň ähmiýetini ret etdiler, ABŞ, bolsa, muny Eýranyň “ýalançylygynyň” subutnamasy hökmünde makullady. Bu ýagdaý ABŞ-nyň Eýran bilen ýadro ylalaşygyndan çykmak meselesine seredýän wagtyna gabat geldi.

XS
SM
MD
LG