Eýranyň günorta-günbataryndaky Sisakht şäherinde bolan ýer titremede azyndan 76 adam ýaralandy, şeýle-de sebitdäki elektrik we aragatnaşyk ulgamlarynyň işinde bökdençlikler ýüze çykdy.
5,3 bal derejesindäki tebigy hadysa 2-nji maýda ir sagat 08:30-da boldy.
Geçen noýabrda Eýranyň günbataryndaky Kermanşah welaýatynda 7,3 bal derejesinde ýüze çykan ýer sarsmasynda azyndan 620 adam heläk bolup, müňlerçe ýaşaýjy hem ýaralanypdy.