Orsýetiň prezidenti Wladimir Putin öz ýurdunyň Futbol boýunça dünýä çempionatyna görülýän taýýarlyklary “umuman tamamlandygyny” yglan etdi. Futbol boýunça dünýä çempionaty şu ýylyň iýun aýynyň 14-den iýul aýynyň 15-ne çenli aralykda Orsýetiň 11 şäherinde geçiriler.
“Orsýet bu ýaryşa taýýar” we diňe soňky “inçe düzedişler” galdy diýip, Putin Futbol boýunça halkara federasiýasynyň (FIFA) prezidenti Gianni Infantino bilen 3-nji maýda Soçide geçiren duşuşygyndan soň aýtdy.
Şeýle-de, Putin ýaryşda rus toparynyň gowy çykyş etmegini umyt edýändigini belledi.
Ýewropanyň gündogar böleginde ilkinji gezek geçirilýän Futbol boýunça dünýä çempionaty häzire çenli geçirilen ýaryşlaryň iň gymmady bolup, ol Siriýada ulanyldy diýilýän himiki ýaraglaryň hüjümi, Britaniýada öňki rus içalysynyň zäherlenmegi, Moskwanyň Ukraina goşulyşmagy we beýleki meseleler bilen baglanyşykly Orsýet bilen Günbatar ýurtlarynyň arasynda dartgynlylygyň möwjän mahalyna gabat geldi.
Diňe ýegenleriňki däl, ýegenleriň daýysynyň döredip, saklap oturan sistemasynyň prokuraturada, polisiýada, MHM-de işleýän işgärleriniň hem açan söwda nokatlary mydama işläp dur. Diňe şolaryňky "Eldegirilmesiz", "Ýakynyna barmasyz".